Fir bhi aap mujhse Prem karte ho Krishna | A heart touching peom | Krishna the only Friend
 |
| The only Friend |
Mere hriday ke sabse nazdeek aap ho Krishna
lekin main aapko fir bhi nahi jaanta hun
aap meri saansein ho, dhadkan ho, pura Jeevan ho
main aapko fir bhi nahi jaanta hun Krishna
main kisi bhi shareer mein chala jaaun
chahe kutta banun, billi banu, keeda banu
lekin aap mere hriday me mere sath sath aate ho
mujhe kabhi nahi chhodte
main aapko fir bhi nahi jaanta hun Krishna
main kuch bhi ichha karun usko puri paata hun
aapse zidd karke aapse duur chala jaata hun
aanand paane ki talaash mein bhotik sansaar mein
chakkar lagata hun, aap hi mera param aanand ho Krishna, main bhul jata hun
anginat kamiyan hain mujhmein, fir bhi aap mujhse prem karte ho
anginat paap karun, to mujhe bachana kaise hai, aap sochte ho
laakh koshish karta hun main aapse duur rehne ki
paas kaise laun aap sochte ho
main bahana dhundhta hun aapse dur rehne ka
aap bahana dhundhte ho, aapke paas bulane ka
mat dena Krishna mujhe wo Khushiyan, jismein bhul jaaun main aapko
wo har dukh mujhe dena, jismein yaad kar paaun aapko
main layak nahi hun aapke, fir bhi aap prem karte ho mujhse
kitni gandagi, kitna zehar bhara hai mujhmein
fir bhi aap mujhse prem karte ho...
he krishn kripa karo mujhpe ki main aapki sharan mein aa paun!
You are the closest to my heart, Krishna, yet I do not know you.
You are my breath, my heartbeat, my entire life, yet I do not know you, Krishna.
No matter what body I take,
whether I become a dog, a cat, or an insect,
you always come with me in my heart,
never leaving me.
Yet, I do not know you, Krishna.
Whatever I wish for, I achieve it,
insisting and moving away from you.
In the pursuit of joy, I wander in the material world,
forgetting that you are my ultimate bliss, Krishna.
I have countless flaws, yet you love me.
No matter how many sins I commit, you think about how to save me.
I try my best to stay away from you,
while you think about how to bring me closer.
I find excuses to stay away from you,
while you find excuses to call me to you.
Do not give me the happiness that makes me forget you,
give me the sorrow that makes me remember you.
I am not worthy of you, yet you love me.
Despite the filth and poison within me,
you still love me.
Oh Krishna, bless me so that I may come into your shelter!
 |
| Krishna 💗 |
0 Comments